Azərbaycan, Bakı, 08 iyun / Trend , müxbir Ü.İsmayılova /
"3 - 19 iyun 2009-cu il tarixlərində İsveçrənin Cenevrə şəhərində BƏT-in Beynəlxalq Əmək Konfransının 98-ci Sessiyası keçiriləcək. Tədbirdə Beynəlxalq Əmək Təşkilatı (BƏT) strukturunun, üzv ölkələrin Hökumət, İşəgötürənlər və Həmkarlar təşkilatlarının nümayəndələri iştirak edəcəklər. Azərbaycan Respublikası bu tədbirdə üçtərəfli qaydada Hökumət, Həmkarlar İttifaqları Konfederasiyası və Azərbaycan Respublikası Sahibkarlar (ASK) (İşəgötürənlər) Təşkilatları Milli Konfederasiyasının nümayəndələri tərəfindən təmsil olunacaq", - ASK-dan məlumat verilib.
Sessiyanın gündəliyində məcburi və icbari əməyin aradan qaldırılması, HİV/AİDS və iş dünyası, məşğulluq və sosial müdafiə, gender bərabərliyi layiqli əməyin əsas komponenti kimi, dünya maliyyə böhranı və s. aktual məsələlər öz əksini tapacaq.
Konfransda ASK prezidenti vəzifəsini icra edən E.Əliyevin rəhbərliyi ilə Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının nümayəndə heyəti iştirak edəcək.
Səfər zamanı Konfederasiyanın nümayəndə heyəti həmçinin Beynəlxalq Əmək Təşkilatı ilə əməkdaşlıq çərçivəsində BƏT-in müvafiq əməkdaşları ilə görüşlər keçirəcək, gələcək ASK və BƏT əməkdaşlıq imkanlarını müzakirə edəcək.
Məqalə müəllifi ilə əlaqə ünvanı: [email protected]
