Azərbaycan, Bakı, 22 iyun / Trend , müxbir N.Kirtsxaliya /
Azərbaycan bankı ASB Bank-ın səhmdarları bankın nizamnamə kapitalının iki dəfəyə kimi artırılması haqqında ilkin qərar qəbul ediblər. Bu barədə bankın idarəetmə heyətinin sədr müavini Həsən Bədəlov bildirib.
"10-15 gün ərzində səhmdarların iclası keçiriləcək. İclasda bankın nizamnamə kapitalının artırılması haqqında qəti qərar qəbul ediləcək", - deyə Bədəlov bildirib.
Onun sözlərinə əsasən, bankın nizamnamə kapitalı səhmdarların vəsaitləri hesabına 20 milyon manata kimi artırılacaq.
"Hazırda bankın birgə kapitalı 17,3 milyon manat, nizamnamə kapitalı isə 12,8 milyon manat təşkil edir", - deyə Bədəlov qeyd edib.
İyunun 22-nə rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]