Gürcüstan, Tbilisi, 24 iyun / Trend müxbir N.Kirsxaliya /
Gürcüstan və İsrail iki ölkə arasında aviareyslərin artırılması barədə danışıqlar aparır. Bu gün turizm departamentinin rəhbəri Petre Kankava bildirib.
Güman edilir ki, Gürcüstan və İsrail arasında aviareyslərin sayı həftə ərzində 5-dək artacaq.
Hazırda ölkələr arasında aviaməlumatlandırma həftədə iki dəfə həyata keçirilir.
İsrailin Gürcüstandakı səfirliyinin məlumatına görə, İsrail turistlərini əsasən Gürcüstanın dağ-xizək kurortları cəlb edir. Çünki orada qiymətlər Avropadan fərqli olaraq 60 faiz ucuzdur.
Turizm Departamenti Gürcüstanın İsraildə daha yaxından tanınması üçün bir sıra tədbirlərin həyata keçirilməsini planlaşdırır. O cümlədən, Qüdsdə və Təl-Əviv aeroportunda sərginin keçirilməsi planlaşdırılır.
Məqalə müəllifi ilə əlaqə ünvanı: [email protected]