Azərbaycan, Bakı, 02 sentyabr / Trend , müxbir N.İsmayılova /
2010-cu ildə dövlət büdcəsindən Azərbaycanın İqtisadi İnkişaf Nazirliyi nəzdində Sahibkarlara Kömək Milli Fondu (SKMF) üçün ilkin proqnozlara əsasən 74 milyon manat ayrılacaq. Bu barədə çərşənbə günü fondun icraçı direktoru Şirzad Abdullayev bildirib.
"Bununla yanaşı, əvvəlcədən verilmiş kreditlərdən fondun faiz gəlirləri həcminin müəyyən edilməsi məqsədi ilə araşdırma aparılır, araşdırmanın tamamlanmasından sonra növbəti ildə fondun hansı vəsaitə sahib olması barədə danışmaq olar", - Abdullayev bildirib.
Cari ildə SKMF-in vəsaitlərinin yerləşdirilməsi hüququnu iki bank - Xalq Bank və Azfinans Bank əldə edib. Fond cəmi 36 müvəkkil kredit təşkilatına malikdir ki, onun da dördü kredit ittifaqı və 32-si bankdır. Ölkədə cəmi 46 bank fəaliyyət göstərir.
2009-cu ildə Milli Fond xətti ilə 130 milyon manat həcmində güzəştli kreditin verilməsi planlaşdırılır ki, onun da 74 milyon manatı büdcə vəsaitlərinin payına düşür, 56 milyon manat isə əvvəlcədən verilmiş kredit ehtiyatları hesabına formalaşıb.
Sentyabrın 02n-ə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]