Azərbaycan, Bakı, 16 sentyabr / Trend , müxbir İ.Xəlilova /
Hasilat Sənayesinin Şəffaflığı Təşəbbüsü üzrə Komissiya (EITI) Azərbaycanda qızıl istehsal edən şirkətin EITI memorandumuna qoşulması barədə qərar qəbul edib. Bu barədə çərşənbə günü Azərbaycan Dövlət Neft Fondundan (ADNF) məlumat verilib.
"EITI-yə yeni şirkətlərin qoşulması barədə qərar komissiyanın ötən iclasında qəbul edilib", - fonddan deyilib.
Bu sahədə 100-dən artıq şirkətin fəaliyyat göstərməsinə baxmayaraq, hazırda memoranduma 26 neft-qaz şirkəti qoşulub. Azərbaycanın qızıl yataqlarından qızıl hasilatı ilə bir şirkət - RV Investment Services Grouр LLC-nin təsis etdiyi Azerbaijan International Mining Company (AIMC) məşğul olur. Şirkət yaydan başlayaraq Gədəbəy mis qızıl yatağından hasil edilən affinaj qızılı İsveçrəyə ixrac edir.
Şirkət altı sahədə istismar işləri aparır. Onlardan biri Naxçıvan Muxtar Respublikasında, digərləri Tovuz və Gədəbəy rayonlarında, üçü - işğal edilmiş ərazilərdə (Kəlbəcərdə "Zod" yatağı, Ağdamda "Qızılbulaq" yatağı, Zəngilanda "Vecnəli" yatağı) yerləşir. Müqaviləyə uyğun olaraq, yataqlardan 400 ton qızıl, 2500 ton gümüş və 1,5 milyon ton mis hasil etmək planlaşdırılır.
Ümumiyyətlə, 2015-ci ilədək Gədəbəy yatağından 300 min unsiya qızıl hasilatı planlaşdırılır.
İlk "qızıl müqavilə" hələ 1997-ci ildə Azərbaycanla (səlahiyyəti Ekologiya və Təbii Sərvətlər Nazirliyinə verilən "Azərqızıl" dövlət konserni ilə) imzalanıb. Yalnız 2009-cu ildə ölkə ilk dəfə qızıl külçələri alıb. Azərbaycan Beynəlxalq Mədən Əməliyyat Şirkəti (ABMƏŞ) 30 il müddətinə imzalanmış razılaşmada iştirak edir.
EITI-nin iclasında ADNF-in icraedici direktoru Şahmar Mövsümov oktyabrın 14-15-də Bakıda keçiriləcək EITI-nin iclasına hazırlıq prosesi barədə məlumat verib və təşəbbüsün iştirakçılarını fəal iştirak etməyə çağırıb.
Məqalə müəllifi ilə əlaqə ünvanı: [email protected]
