Gürcüstan, Tbilisi, 12 oktyabr / Trend , N.Kirsxaliya/
Dekabrda Brüsseldə Gürcüstan və Aİ arasında vahid hava məkanının yaradılmasına dair danışıqlar aparılacaq, Gürcüstan xarici işlər nazirinin müavini David Calaqaniya bazar ertəsi keçirilən brifinqdə deyib.
Onun sözləırinə görə, danışıqların ilk raundu keçən həftə Tbilisidə təşkil edilib. Tərəflər Gürcüstana Aİ-nin daxili aviasiya bazarı ilə əlaqə yaratmağa kömək edəcək bazar baryerlərinin aradan qaldırılması üzrə işlərin başlanmasını nəzərdə tutan protokol imzalayıblar.
Gürcüstan 37 ölkə ilə hava məkanının açılmasına dair danışıqlar aparır. Onlardan 27-si Aİ-yə üzv ölkələrdir.
Müqavilə rəsmiləşdirildikdən sonra Avropa bazarları Gürcüstanın aviasiya şirkətləri üçün açıq olacaq. Bu da aviabiletlərin qiymətlərinin azalmasına gətirib çıxaracaq.
