Azərbaycan, Bakı, 31 oktyabr / Trend , müxbir N.İsmayılov/
Oktyabrın 29-da Azərbaycan Respublikasının Qiymətli Kağızlar üzrə Dövlət Komitəsi qurumun rəhbəri Rüfət Aslanlının sədrliyi ilə cari ilin üç rübünün yekunlarına dair hesabat iclası keçirib. Bu barədə komitənin məlumatında deyilir.
QKDK sədrinin sözlərinə görə, hesabat dövrü ərzində ölkənin ÜDM-i 6.1 faiz, sənaye məhsulları 5 faiz, kənd təsərrüfatı məhsulları 3 faiz artıb, əsas kapitala investisiya qoyuluşu isə 5.2 milyard manata çatıb. Ölkədə infilyasiyanın səviyyəsi 2.1 faiz təşkil edib, əhalinin gəliri 10 faiz artıb, orta əmək haqqı isə 15 faiz artaraq 370 dollar təşkil edib.
Aslanlı hesabat dövrü ərzində yeni alətlərin qiymətli kağızlar bazarına cəlb olunmasını müsbət qiymətləndirib.
Bazarın araşdırılması və inkişafı şöbəsinin müdir müavini Natiq Mustafayevin sözlərinə görə, hesabat dövrü ərzində korporativ qiymətli kağızlar bazarında dinamika müşahidə olunub. Korporativ qiymətli kağızlar bazarı 11.2 faiz artıb, səhmllərin ilkin yerləşdirilməsində 3.1 faiz artım müşahidə olunub.
İclasın sounuda komitə sədri fəaliyyətin nəticələrini məqbul qiymətləndirib və komitənin gələcək potensialının gücləndirilməsi məqsədilə struktur bölmələrin strateji fəaliyyət planlarının hazırlanması üçün göstərişlər verib.
Oktyabrın 31-nə olan rəsmi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]