Azərbaycan, Bakı, 31 oktyabr / Trend , müxbir N.İsmayılova/
Üç rübün yekunlarına görə, fiziki şəxslərin üzv banklarda olan cəmi əmanətləri 1,984 milyard manat qorunmayan əmanətlər 606,18 milyon manat, qorunan əmanətlər isə 1,378 milyard manat təşkil edir, fondun məlumatında deyilir.
Hesabat dövrünün məlumatına görə, qorunan əmanətlərin sayı 4 970 119 min nəfər təşkil edir.
Üçüncü rübdə Əmanətlərin Sığortalanması Fondu iştirakçı banklardan III rübün təqvim haqlarını toplayıb. Təqvim haqları 624 min manat, 1,157 min dollar, və 145 min avro təşkil edir. İştirakçı bankların Fondun reyesterinə daxil olarkən ödədikləri birdəfəlik üzvlük haqları ilə bərabər bütün daxil olan məbləğ 16,317 milyon manat təşkil edir.
ADİF öz fəaliyyətinə 13 avqust 2008-ci ildə başlayıb. Hazırda ölkədə fəaliyyət göstərən 46 bankdan 42-si fondun üzvüdür.
31 oktyabra olan rəsmi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
