Dünya Bankının daşınmaz əmlakın qeydiyyatı üzrə missiyası layihə rəhbəri Qeyvin Adlinqtonun başçılığı ilə mart ayında Azərbaycana səfər edəcək. Bu barədə bazar ertəsi DN Bakı nümayəndəliyindən məlumat verilib.
Nümayəndəlikdən deyilib ki, missiya icmal xarakteri daşıyır və martın 1-dən 12-dək davam edəcək.
Azərbaycan hökuməti və Dünya Bankı 2007-ci ilin iyul ayında daşınmaz əmlakın vahid kadastr sisteminin birgə tətbiqinə dair saziş imzalamışlar. Layihə 4 komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkmə və torpaq kadastrı; treninqlər, siyasətin formalaşdırılması və layihənin idarə edilməsi.
Əmlakla sazişin qeydiyyatı sistemi 21 qeydiyyat ofisindən hər birində avtomatlaşdırılacaq. Layihəyə 21 daşınmaz əmlak reyestrinin dövlət xidmətinin 21 ofisi daxildir və dövlət əmlakının idarə edilməsi üzrə Dövlət Komitəsinin 60 ofisini əhatə edir. Meşə massivləri, bataqlaşmış ərazilər və təbii areallar bu sistemə daxil edilməyəcək.
Layihənin dəyəri 38,57 milyon dollar təşkil edir. Bu məbləğin 30 milyon dolları DB-nın payına düşür. Kredit vəsaitləri 5 illik güzəşt dövrü ilə 20 illik müddətə verilir.
