Azərbaycan, Bakı, 25 fevral / Trend /
Azərbaycanda Fransanın SYSTRA SA mühəndislik şirkətinin filialı qeydiyyatdan keçib. Bu barədə Azərbaycan Vergilər Nazirliyinin "bir pəncərə" bölməsində deyilir.
Şirkət ictimai və dəmiryol nəqliyyatı, layihələrin idarə olunması, daşımaların planlaşdırılması, vətəndaş tikintisi sahəsində, mühəndis nəqliyyat sisteminin və nəqliyyat vasitələrinin qurulması sahəsində ixtisaslaşıb.
Şirkət həmçinin Çexiyanın MOTT McDonalds və Cənubi Koreyanın SAMAN şirkətlərinin daxil olduğu xarici şirkətlər konsersiumunun iştirakçısıdır. Konsorsium Bakı Metropoliteninin 20 illik inkişaf layihəsinin hazırlanması ilə məşğul olur. Bu konsorsiumda aparıcı rolu Fransa şirkəti tutur.
Hüquqi nümayəndə Jerom Bleçotdur. Şirkətin təsisçisi Systra Sa (Fransa) şirkətidir.
