...

Azərbaycan Nəqliyyat Nazirliyi Bakı-Şamaxı-Muğanlı yolunun genişləndirilməsi layihəsi üzrə ilkin podratçı seçimi elan edib

Biznes və iqtisadiyyat xəbərləri Materials 26 Fevral 2010 12:48 (UTC +04:00)
Azərbaycan Nəqliyyat Nazirliyi "Azəryolservis" ASC Bakı-Şamaxı-Muğanlı avtomobil yolunun 15 km.-dən 45 km.-dək (dörd zolağa kimi) genişləndirilməsi üzrə podratçı seçimi üçün tenderin ilkin mərhələsini elan edib. Bu işlərin Dünya Bankının vəsaitləri hesabına həyata keçirilməsi nəzərdə tutulur.

Azərbaycan, Bakı, 26 fevral / Trend /

Azərbaycan Nəqliyyat Nazirliyi "Azəryolservis" ASC Bakı-Şamaxı-Muğanlı avtomobil yolunun 15 km.-dən 45 km.-dək (dörd zolağa kimi) genişləndirilməsi üzrə podratçı seçimi üçün tenderin ilkin mərhələsini elan edib. Bu işlərin Dünya Bankının vəsaitləri hesabına həyata keçirilməsi nəzərdə tutulur.

Bundan əvvəl bu sahədə ikizolaqlı avtomobil yolu salınıb. Tenderin şərtlərinə görə, yolun genişləndirilməsi zamanı mövcud yola az təsir olmalıdır. Bundan əlavə, podratçı müvafiq yol axınında genişlənməni hərəkətin təhlükəsizliyinə əməl olunması şərtilə təmin etməlidir.

Dünya Bankı (DB) Azərbaycan hökuməti ilə birlikdə martın ortalarında üçüncü magistral yolun inşası üçün kredit üzrə, məhz Bakı-Şamaxı-Muğanlı avtomobil yolunun inşasına dair layihənin ikizolaqlıdan dördzolaqlıya dəyişdirilməsi ilə əlaqədar əlavə maliyyələşdirmə üzrə rəsmi danışıqların aparılmasına hazırlaşır.

Aprelin sonlarında layihənin bankın Direktorlar Şurasında təsdiqlənməsi gözlənilir. 2009-cu maliyyə ilində layihənin reallaşmasına 50 milyon dollar məbləğində güzəştli kreditin ayrılması planlaşdırılıb.

İlkin olaraq layihənin texniki-iqtisadi əsaslandırması ikizolaqlı yolun inşasına dair planların əsasında hazırlanıb. Lakin sonradan bu avtomobil yolunun yenidən qurulması planına təzədən baxılıb.

Bakı-Şamaxı-Muğanlı yolunun uzunluğu uzunluğu 124 kilometrdir. Təsdiqlənmiş layihəyə əsasən onun tikintisi $90,11 mln. həcmində qiymətləndirilir. $72,09 mln. məbləğində tikinti işlərini DB maliyyələşdirəcək, $18,02 mln.-u isə Azərbaycan tərəfi ayıracaq. Nazirlikdə layihənin bahalaşması və tikinti planının dəyişdirilməsi (ikizolaqlıdan dördzolaqlıya) ilə bağlı yeni hesablamalar aparılıb, lakin onlar hələlik açıqlanmır.

Tikinti işlərinin aparılması üçün baş podratçı İtaliyanın Todini Costruzioni Generali S.p.A şirkəti seçilib. Layihənin məsləhətçisi Finlandiyanın Finroad şirkətidir.

Layihə çərçivəsində Tovuz dairəvi yolunun tikintisi nəzərdə tutulur ki, hazırda bununla əlaqədar bu ərazidə yaşayan adamlardan torpaqların alınması üzrə işlər aparılır. Yolun uzunluğu 7,2 kilometrdir. Bunun 3,3 kilometrində işlər artıq həyata keçirilib.

Bakı-Şamaxı-Muğanlı yolu Bakını respublikanın qərb rayonları ilə birləşdirəcək. Layihənin əsas məqsədi nəqliyyat xərclərinin azaldılması və çıxışın, tranzitin artırılması, Azərbaycanın Şərq-Qərb dəhlizləri üzrə keçid üçün yol təhlükəsizliyinin təmin edilməsidir.

Bu yol layihəsi DB Direktorlar Şurasında 2006-cı il yanvarın 17-də təsdiqlənib. Kredit ehtiyatları Beynəlxalq Yenidənqurma və İnkişaf Bankının şərtləri ilə ayrılıb: 4 il güzəştli dövr olmaqla 20 il müddətinə və illik libor+0,5 faiz dərəcə ilə. Lakin əlavə maliyyələşdirmənin 10 il güzəştli dövr olmaqla 35 il müddətinə və illik 0,75 dərəcə ilə verilməsi planlaşdırılır.

Xəbər lenti

Xəbər lenti