Azərbaycan, Bakı, 6 aprel /Trend/
Bu gün Gürcüstan TRACECA nəqliyyat dəhlizi çərçivəsində "Qara dəniz və Xəzər dənizi marşrutları" layihəsi çərçivəsində Azərbaycan və Gürcüstan işçi qrupunun iclası başlayıb. Bu barədə Azərbaycan Nəqliyyat Nazirliyinin məlumatında deyilir.
Görüş zamanı tərəflər mövcud olan problemlərin həlli yollarını, həmçinin, TRACECA nəqliyyat dəhlizi çərçivəsində əhəmiyyətli sayılan Gürcüstan - Azərbaycan marşrutu üzrə daşımaların intensivləşdirilməsini nəzərdən keçirəcəklər.
İşçi qrup tarif məsələlərini, multimodal daşımalar üzrə informasiya mübadiləsinin təmin olunması, qanunvericilik və gömrük prosedurları üsulları və dövlətlər arasında sərhədlərdə digər xidmətləri nəzərdən keçirəcək.
Hazırda TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna, həmçinin, İrandır.