Azərbaycan, Bakı, 5 may /Trend, müxbir Ü.İsmayılova/
Azərbaycan Maliyyə Nazirliyi ölkənin ən iri sığorta şirkəti olan "Xalq Sigorta" ASC-yə sığorta fəaliyyəti göstərmək üçün müddətsiz lisenziya verib. Bu barədə nazirliyin çərşənbə günü yayılmış məlumatında deyilir.
Müddətsiz lisenziya şirkətə əvvəllər ona verilən sığorta fəaliyyəti göstərmək üçün beşillik lisenziyanın müddətinin başa çatması ilə əlaqədar verilib. Nazirliyin məlumatında belə deyilir.
"Xalq Sigorta" ASC-yə müddətsiz lisenziya 2010-cu il aprelin 29-da verilib.
"Xalq Sigorta" ASC Azərbaycanda ən kapitallaşmış sığorta şirkətidir. Onun nizmanamə kaplitalı 21,061 milyon manatdır.
"Xalq Sığorta" şirkəti 2005-ci ildə yaradılıb. Hazırda Azərbaycanın ən iri sığorta şirkətlərindən biridir. Yanvar-mart aylarının yekunları üzrə şirkətin tədiyələri 2,59 milyon manat, ödənişləri 0,41 milyon manat təşkil edib.
Azərbaycanda 27 sığorta və bir təkrar sığorta şirkəti fəaliyyət göstərir. Ölkədə müddətsiz lisenziyaların verilməsi 2008-ci ilin martında qəbul edilən "Sığorta fəaliyyəti haqqında" qanunda nəzərdə tutulub. Əvvəllər sığorta fəaliyyətinə görə lisenziyalar beş il müddətinə verilirdi.