Azərbaycan, Bakı, 5 may /Trend, müxbir İ.Xəlilova/
2010-cu ilin birinci rübündə xarici kapitalın Azərbaycan banklarının nizamnaməyə kapitalında olan pay iştirakında yenidən qruplaşdırma baş verib. İl ərzində xarici kapitallı bankların sayı ölkədə 23 səviyyəsində saxlanılır.
Azərbaycan Mərkəzi Bankından (AMB) çərşənbə günü verilən məlumata görə, 100%-lik xarici kapitala malik beş bankın xüsusi çəkisi aprelin 1-nə ümumi həcmdə 50,1% təşkil edib. Ötən il onların payı 45,5%, 2009-cu ilin birinci rübündə isə 50,5% olub. Keçən il ərzində bu bankların kapitalının xarici iştiraklı bankların ümumi kapitalına olan nisbətində azalma müşahidə olunub.
Nizamnamə kapitalında xarici sərmayənin pay iştirakı 50%-dən 100 %-ə qədər olan 4 bankın xüsusi çəkisi 24,7%-ə qarşı 22,8% və müvafiq olaraq 21,8% təşkil edib.
20%-dən 50%-ə qədər xarici kapitala malik 6 bankda keçən ilin axırında xarici kapitalın iştirak payı 16,8 %-dən 14,9%-ə düşüb. 2009-cu ilin birinci rübünün yekunlarına görə, onların xüsusi çəkisi 15,3% təşkil edib.
İki bankın kapitalında 10-20% xarici iştirak payı var. Onların xüsusi çəkisi 2,9%-dir. İlin əvvəlində bu göstərici 2,7%, 2009-cu il aprelin 1-ində isə 2,3% təşkil edib.
Altı bank xarici kapitalın 10%-ə qədər iştirakına malikdir. Bu bankların xarici iştiraklı bankların ümumi, nizamnaməyə uyğun sərmayəsində payı 10,3%-ə qarşı 9,2% və müvafiq olaraq 10,2 % təşkil edib.
Hazırda Azərbaycanda müştərək kapitalı aprelin 1-nə 1994,75 milyon manat təşkil edən 47 bank fəaliyyət göstərir. Onların kapitalı birinci rüb ərzində 0,5% azalıb, lakin illik hesablamalarda artım 11,6% təşkil edib.
Mayın 4-nə olan rəsmi məzənnə 0,8035 AZN/USD təşkil edir.