Gürcüstan, Tbilisi, 12 may /Trend, müxbir N.Kirsxaliya/
Apreldə Gürcüstana daxil olan pul köçürmələrinin həcmi 74,4 milyon dollar təşkil edib ki, bu da 2009-cu ilin aprel ayının göstəricisini 14,1 milyon dollar və ya 23,2 faiz üstələyib.
Milli Bankdan bildirilib ki, Rusiya (9,7 milyon dollar), Ukrayna (1,2 milyon dollar) və Yunanıstandan (bir milyon dollar) pul köçürmələrinin həcmində əhəmiyyətli artım var.
Köçürmələrin 89,8 faizi səkkiz iri donor ölkənin payına düşür ki, apreldə həmin dövlətlərdən köçürmələrin həcmi bir milyon dolları keçib. Ötən ilin aprelində bu rəqəm 88,3 faiz təşkil edib.
Cari ilin aprelində Gürcüstandan xaricə 6,5 milyon dollar pul köçürülüb. Ötən il bu rəqəm 5,8 milyon dollar təşkil edib.
