Türkmənistan, Aşqabad, 28 iyun /Trend, müxbir H.Həsənov/
Prezident Qurbanqulu Berdiməhəmmədovun fərmanı ilə Avropa Yenidənqurma və İnkişaf Bankında (AYİB) Türkmənistan hökumətinin səlahiyyətli nümayəndəsi təyin olunub. Türkmənistan Mərkəzi Bankının idarə heyətinin sədr müavini Mərdan Annadurdıyev AYİB idarəedicisinin müavini təyin edilib. Ondan əvvəl bu postu tutan Dövlət Əhədov səhhətində yaranan problemlərə vəzifəsindən azad edilib.
AYİB 1991-ci ildə - Mərkəzi və Şərqi Avropada kommunist rejiminin dağıldığı, keçmiş sovet ölkələri isə demokratiya şəraitində özəl sektorun yaradılmasına ehtiyac duyduqları bir zamanda yaradılıb.
AYİB sərmayələrindən Mərkəzi Avropa və Mərkəzi Asiyanın 30 ölkəsində bazar iqtisadiyyatının yaradılması məqsədilə istifadə olunur. Türkmənistanın yenilənmiş konstitusiyasında bazar iqtisadiyyatına tədricən keçidlə bağlı bənd göstərilib.
