Аzərbaycan, Bakı, 6 iyul /Trend, müxbir N.İsmayılova/
Azərbaycan bankı TuranBank Azərbaycan Risk Peşəkarları Assosiasiyasının (ARPA) tərkibinə daxil olmaq üzrə danışıqlar aparır. Bu barədə çərşənbə axşamı assosiasiya rəhbəri Rüfət Mahmud bildirib.
"TuranBank üzv olduqdan sonra assosiasiyanın korporativ üzvlərinin sayı 20-yə çatacaq. Bundan əvvəl AtaBank da üzvlərin tərkibinə daxil olub", - Mahmud deyib.
May ayında Muğanbank və Azərbaycan Beynəlxalq Bankı ARPA-nın üzvləri sırasına daxil olublar.
Assosiasiyaya üzv olan banklara beynəlxalq institutlar, AMB, auditor şirkətləri, ticari bankların ekspertlərinin iştirakı ilə təşkil olunmuş seminarlar və "dəyirmi masalar"da iştirak etmək imkanı verilir.
Bununla yanaşı, assosiasiya üzvlərinə onun təşkil etdiyi təlim proqramlarında iştirak üçün güzəştlər verilir.
Risk Peşəkarları Assosiasiyası 2009-cu il mayın ortalarında qeydiyyyatdan keçib və bu gün ARPA-nın institusional inkişafı davam etdirilir. Assosiasiya artıq ölkənin Mərkəzi Bankı və GARP (Global Association of risk Professionals) ilə əməkdaşlıq edir.
