...

AYİB Türkmənistanda dəniz limanının yenidən qurulması lahihəsini öyrənir

Biznes və iqtisadiyyat xəbərləri Materials 23 İyul 2010 11:50 (UTC +04:00)

Türkmənistan, Aşqabad, 23 iyul /Trend, müxbir H.Həsənov/

Avropa Yenidənqurma və İnkişaf Bankının (AYİB) nümayəndə heyəti Türkmənbaşı şəhərinin beynəlxalq dəniz limanında olub. Bu barədə xəbəri cümə günü "Altın Asır" milli telekanalı yayaıb.

Məlumatda qeyd olunur ki, AYİB-in ekspertləri Türkmənistanın Dəniz və Çay Nəqliyyatı Dövlət Xidmətində dəniz limanının maddi təchizatının səviyyəsinin artırılması və onun gələcəkdə modernləşdirilməsi məsələlərini müzakirə ediblər.

Görüş iştirakçıları limanda konteyner terminalının, səpələnən və əsas yüklərin rəqəmsal sifarişli emalı terminalının, gəmiqayırma-təmir-tikinti kompleksinin, avtodayanacaqlı və limanın dispetçer nəzarət qülləsinin tikinti məsələlərini müzakirə ediblər.

Bundan başqa, yüksək dərəcəli avtomobil yolunun salınması, təchizat bazasının qurulması, suda xilasetmə xidmətinin və karbohidrogenlərin hasil olunduğu yerlərdə onların tullantılarına dərhal reaksiyanın verilməsi üzrə çoxfunksiyalı stansiyaların tikintisi planlaşdırılıb.

Söhbət limanda fəaliyyət göstərən parom bərəsinin mərhələli təmirindən və polipropilen daşımaları üzrə yük kompleksinin genişləndirilməsindən də gedib.

Xəbər lenti

Xəbər lenti