Azərbaycan, Bakı, 29 iyul /Trend, müxbir İ.Xəlilova/
Azərbaycanın Vergilər Nazirliyi sahibkarlıq fəaliyyəti üçün vergi güzəştlərinin tətbiqi ilə bağlı vəziyyətin qiymətləndirməsinə başlayıb. Bu barədə vergilər nazirinin müavini Natiq Əmirov məlumat verib.
"Hazırda sahibkarların vergi güzəştlərindən qeyri-səmərəli istifadə etdikləri müşahidə olunur", - nazir müavini bildirib. - "Mənfəət vergisinin dərəcələrini azaltmaqla biz şəffaflığın, düzgün hesablamaların təmin olunması məqsədi güdmüşük. Lakin arzu olunan nəticə əldə edilməyib".
Həmçinin, 2010-cu ildə Maliyyə Nazirliyi tərəfindən əmək haqlarının leqallaşdırılması üzrə tədbirlərin keçirilməsi işçi qüvvəsindən sənədləşdirmə aparılmadan istifadə olunması, qeyri-rəsmi əmək haqlarının verilməsi faktlarını üzə çıxarıb.
"Biz belə faktların aradan qaldırılması üzrə tədbirləri davam etdiririk. Məsələn, özəl tibb müəssisələrində əmək haqları dövlət tibb müəssisələrindəki əmək haqlarının məbləği ilə eynidir, çünki onlar göstərilən xidmətin keyfiyyətinə görə fərqlənirlər", - Əmirov bildirib.
2010-cu ildən muzdlu işçilər üçün mənfəət vergisinin məbləği 35 faizdən 30 faizədək, hüquqi şəxs yaratmadan sahibkarlıq fəaliyyəti ilə məşğul olan fiziki şəxslər üçün isə 35 faizdən 20 faizədək azaldılıb.