Azərbaycan, Bakı, 20 avqust /Trend, müxbir S.Süleymanov/
Cümə günü saat 06:20-də Pavlodar vilayətində (Qazaxıstanın Rusiya ilə sərhədinin şimalı) dəmir yolu keçidinin mühafizə edilməyən Maykayın - Uşkulun hissəsində yük qatarının "KamAZ" avtomobili ilə toqquşması baş verib. Bu barədə Qazaxıstan Nəqliyyat və Kommunikasiya Nazirliyinin mətbuat xidməti xəbər verir.
""KamAZ" sürücüsü hadisə yerində həlak olub, maşinist köməkçisi və hərbiləşdirilmiş mühafizənin iki əməkdaşı xəsarət alıb", - nazirliyin yaydığı məlumatda deyilir.
Mətbuat xidmətinin məlumatına görə, qəza nəticəsində elektrovoz və kömürlə yüklənmiş 29 vaqon relsdən çıxıb. Yolun 200 metri, keçid qurğuları siqnalizəsi zədələnib.
"Hadisənin araşdırılmasına "Ert c" nəqliyat nəzarətinin və "Kazakstan temir jolı" SC-nin regionlararası müfəttişliyinin mütəxəssisləri gediblər.
"Hadisə yerində daşımaların Pavlodar şöbəsinin bərpaedici qatarları işləyir", - məlumatda qeyd olunur.
