Аzərbaycan, Bakı, 24 avqust /Trend, müxbir А.Axundov/
Azərbaycan Standartlaşdırma, Metrologiya və Patent üzrə Dövlət Komitəsi yanvar-iyul aylarında 1 145 təsərrüfat subyektində məhsulların keyfiyyəti üzrə monitorinqlər aparıb. Bu barədə çərşənbə axşamı Dövlət Komitəsindən verilən məlumatda deyilir.
"Monitorinqlərin yekunlarına əsasən, 229,7 min manat məbləğində ərzaq məhsullarının normativ sənəd tələblərinə cavab vermədiyi aşkarlanıb. Komitə tərəfindən istehsal subyektlərinin rəhbərlərinə 68 adda məhsulun istehsalı və ticarətini qadağan edən tələbnamə və 232 adda məhsulun istehsalı üzrə töhmət göndərilib.
Ümumilikdə, 2010-cu ilin ilk 7 ayında qanunvericilik tələblərini pozduqlarına görə, müəssisələrin rəhbərlərinə İnzibati Hüquq Pozmaları Haqqında Məcəlləyə əsasən, 102,7 min manat məbləğində cərimə tətbiq olunub.
