...

"Paşa Sığorta" Azərbaycanda böyük turist layihəsinin sığortalanmasına potensial namizəddir

Biznes və iqtisadiyyat xəbərləri Materials 14 Sentyabr 2010 15:20 (UTC +04:00)

Azərbaycan, Bakı, 14 sentyabr /Trend, müxbir A.Axundov/

Azərbaycanın sığorta şirkəti "Paşa Sığorta" şirkəti Qusar rayonu ərazisində "Şahdağ" qış-yay turizm kompleksinin tikintisinin qalan mərhələsinin sığortalanmasına başlıca namizəddir. Bu barədə şirkətin İdarə Heyətinin sədri Nofəl Rzayev deyib.

"Paşa Sığorta" kompleksin tikintisinin növbəti fazalarının sığortalanmasında maraqlıdır", - Rzayev bildirib.

Sentyabrın əvvəlində "Şahdağ" kompleksinin bütün tikintisinin böyük mərhələsi olan birinci fazanın sığortalanması üzrə sənədlər imzalanıb.

Rəsmi sığortaçı qismində Amerikanın broker şirkəti "Marsh"ın vasitəçiliyi ilə "Paşa Sığorta" şirkəti çıxış edir.

Dəyəri 365 milyon avro olan tikintinin birinci mərhələsi 2013-cü ilin avqustunadək olan dövrü əhatə edir, dağ xizəkçiliyi və əyləncə kurort mərkəzinin yaradılması çərçivəsində idman qurğuları, mehmanxana, digər obyektlərin tikintisi üzrə hazırlıq və əsas işləri özündə birləşdirir.

Tammiqyaslı sığortaya kompleksin obyektlərinin tikintisi zamanı maddi ziyanın bütün risklərini, potensial ziyan və terrorizm riskləri üzrə üçüncü şəxslər qarşısında məsuliyyəti, eləcə də tikinti qurtardıqdan sonra yerinə yetirilən işlərin keyfiyyət zəmanəti üzrə üçillik sığorta daxildir.

"Paşa Siğorta" "Paşa Holdinq" qrupunun üzvüdür və sığortanın 30 növü üzrə korporativ və fərdi müştərilərə xidmət göstərir. 20 milyon manat nizamnamə kapitalı və 28 milyon manat ümumi aktivləri ilə "Paşa Sığorta" kapitallaşdırmanın həcminə görə, ölkənin ilk üç sığortaçısı siyahısına daxil olmaqla, sığorta sektorunda biznesin rentabelliliyini qorumaqda ən yüksək göstəricilərə malikdir. Şirkətin nizamnamə kapitalı 20 milyon manatdır.

2007-ci ildən "Paşa Sığorta" Böyük Britaniyanın "Moody International" agentliyi tərəfindən sığorta məhsullarının ISO 9001:2000 keyfiyyət idarəetmə standartlarına və xidmətlərinə uyğunluq səviyyəsinə görə sertifikatla təltif olunub. 2009-cu ildən etibarən, "Paşa Sığorta" BMT-nin insan hüquqlarının, ətraf mühitin müdafiəsi və korrupsiyanın qarşısının alınması üzrə Qlobal Müqavilənin (UN Global Compact Initiative) iştirakçısıdır.

Sentyabrın 14-nə rəsmi məzənnə 0,8037 AZN/USD təşkil edir.

Xəbər lenti

Xəbər lenti