Azərbaycan, Bakı, 17 sentyabr /Trend, müxbir İ.Xəlilova/
2010-cu ilin yanvar-avqust aylarında Azərbaycanda bütün maliyyə mənbələrindən iqtisadiyyatın və sosial sahələrin inkişafına 5218,1 milyon manat sərmayə qoyulub ki, bu da ötən ilin analoji dövr göstəricisini 11,3 faiz ötür. Bu barədə cümə axşamı Dövlət Statistika Komitəsinin məlumatında deyilir.
Təmir-tikinti işlərinə qoyulan investisiyaların həcmi illik hesablamalarda 4,1 faiz artımla 3441,8 milyon manat və tikinti sahəsinə qoyulan investisiyaların ümumi həcminin 66 faizini təşkil edib. İstehsalat yönümlü tikinti obyektlərinə 2551,4 milyon manat, xidmətlər sahəsindəki obyektlərə isə 2666,7 milyon manat yönəldilib.
Ötən ilin analoji dövrü ilə müqayisədə 31,5 faiz artan xarici investisiyaların xüsusi çəkisinin ümumi həcmi 1103,1 milyon manat olmaqla 21,1 faiz təşkil edib. Müvafiq olaraq investisiyaların ümumi həcmindən 78,9% daxili investisiyaların (artım 5,9 faiz) payına düşür. Daxili investisiyaların böyük hissəsi (71,8 faiz) dövlət müəssisələrinə və təşkilatlara, yalnız 28,2 faizi özəl müəssisələrə qoyulub.
Əsas kapitala qoyulan vəsaitlərin 69,5 faizi (3626,6 milyon manat) ölkədə qeyri-neft sektorunun inkişafına, 12 faizi (625,5 milyon manat) qeyri-neft sənayesinə, 30,5 faiz (1591,5 milyon manat) neft sektorunun inkişafına yönəlib.
Bu zaman 42,5 faiz sənaye sahəsi, 5 faiz kənd təsərrüfatı, meşə təsərrüfatı və balıqçılığın, 3 faiz ticarət, 26,5 faiz nəqliyyat və anbar təsərrüfatı, 1,4 faiz tikinti, 1,2 faiz informasiya və rabitə, 1,5 faiz səhiyyə, 0,9 faiz təhsil, 8,1 faiz daşınmaz əmlak üzrə əməliyyatların (onların 8 faizi mənzil təsərrüfatının payına düşür), 2,8 faiz istirahət, əyləncə və incəsənət, 3 faiz dövlət idarəçiliyi, 0,1 faiz maliyyə və sığorta fəaliyyəti, 2,5 faiz mənizl və ictimai iaşənin təşkili, 1,1 faiz təhsil, 0,7 faiz inzibati və yardımçı xidmətlərin, 0,6 faiz isə digər sahələrin payına düşür.
Maliyyələşdirilməsi büdcə vəsaitləri hesabına həyata keçirilən obyektlərin tikintisinə 2010-cu ildə nəzərdə tutulan 3549 milyon manatdan 1656,4 milyon manat sərmayə qoyulub.
Müəssisə və təşkilatların vəsaitləri hesabına əsas kapitala 2698,2 milyon manat (investisiyaların ümumi həcmindən 51,7 faiz), bank kreditlərindən 270,7 milyon manat (5,2 faiz), büdcə vəsaitlərindən 1770,8 milyon manat (33,9 faiz), büdcədənkənar fondların vəsaitlərindən 294,1 milyon manat (5,6 faiz), əhalinin şəxsi vəsaitlərindən 169,8 milyon manat (3,3 faiz), digər vəsaitlərdən 14,5 milyon manat (0,3 faiz) sərmayə qoyulub.
Sentyabrın 17-nə olan rəsmi məzənnə 0,8033 AZN/USD təşkil edir.
