Azərbaycan, Bakı, 6 noyabr /Trend, müxbir N.İsmayılova/
2010-cu il oktyabrın 1-nə depozitlər üzrə orta faiz dərəcəsi manatla 11,21 faiz təşkil edib. Sentyabrın 1-nə bu göstərici 10,99 faiz, 2009-cu il oktyabrın 1-nə isə 11,80 faiz təşkil edib. Bu barədə şənbə günü Azərbaycan Mərkəzi Bankından məlumat verilib.
Depozitlər üzrə orta faiz dərəcələri xarici valyuta ilə müvafiq olaraq 10, 57 faiz, 10,64 və 11,41 faizə bərabər olub.
Oktyabrın 1-nə fiziki şəxslərin depozitləri üzrə orta faiz dərəcəsi manatla 12,1 faiz təşkil edib. Sentyabrın 1-nə bu rəqəm 12,09 faiz, 2009-cu il oktyabrın əvvəlinə isə 13,04 faiz olub. Fərdi müştərilərin depozitləri üzrə faiz dərəcələri xarici valyuta ilə müvafiq olaraq 12,08 faiz, 12,11 faiz və 12,5 faiz təşkil edib.
Oktyabrın əvvəlinə hüquqi şəxslərin depozitləri üzrə orta faiz dərəcələri manatla 6,02 faiz, sentyabrın 1-nə 6,14 faiz, 2009-cu il oktyabrın 1-nə isə 7,83 faiz təşkil edib. Korporativ müştərilərin depozitləri üzrə xarici valyuta ilə orta faiz dərəcələri müvafiq olaraq 5,58 faiz, 5,66 faiz və 4,79 faiz olub.