Azərbaycan, Bakı, 30 dekabr / Trend, müxbir Ü.İsmayılova /
Azərbaycanın "Qarant Sigorta" şirkəti və "Qala Həyat" Life-şirkəti həyat sığortası üzrə sığorta polislərinin satışı üzrə tərəfdaşlıq sazişi imzalamaq fikrindədirlər. Bu barədə "Qarant Sigorta"nın idarə heyətinin sədri Vaqif Həsənov bildirib.
"Həyat sığortası üzrə polisləri "Qarant Sigorta Agenti" şirkəti satacaq", - Həsənov bildirib.
Şirkətlər arasında artıq istehsalatda bədbəxt hadisələr və peşə xəstəlikləri nəticəsində əmək qabiliyyətinin itirlməsi üzrə icbari sığorta xidmətlərinin göstərilməsi ilə bağlı müqavilə mövcuddur.
"Qarant Sigorta" SŞ Azərbaycan Maliyyə Nazirliyindən sığorta fəaliyyəti göstərmək üçün 2007-ci ilin noyabrında lisenziya alıb. "Qarant Sigorta" "ZQAN Holdings"in tərkibinə daxildir. Şirkətin nizamnamə kapitalı dörd milyon manat təşkil edir.
Sığorta (təkrar sığorta) şirkəti və sığorta brokeri olan "Qala Sığorta" ASC 2008-ci il iyulun 31-də ölkənin Maliyyə Nazirliyindən sığorta fəaliyyəti göstərmək üçün lisenziya alıb. Şirkətin təsisçisi Azərbaycanda yeganə təkrar sığorta şirkəti olan "AzRe Təkrar Sığorta"dır.
"Qala Həyat" şirkəti 2010-cu il noyabrın 30-da verilən lisenziya əsasında yaradılıb. "Qala Həyat" şirkəti "Qala Sigorta" şirkətinin fəaliyyətinin yenidən qurulması əsasında yaradılıb. Hazırda şirkətin nizamnamə kapitalı 3,5 milyon manat təşkil edir.
Dekabrın 30-da rəsmi məzənnə 0,7979 AZN/USD təşkil edir.
