Azərbaycan, Bakı, 5 mart /Trend, müxbir N.İsmayılova /
Azərbaycan Dövlət Gömrük Komitəsinin (DGK) məlumatına görə, yanvarda nəqliyyat vasitələri ilə 4,2 milyon tona yaxın yük daşınıb ki, bu da 2009-cu ilin analoji dövründəkindən 4,47 faiz çoxdur. Bu barədə şənbə günü komitədən məlumat verilib. Bu dövr ərzində yük ixracı 2,45 milyon ton, idxal 821,42 min ton təşkil edib.
Yanvarda dəniz nəqliyyatı ilə 10,5 min ton, dəmir yolu nəqliyyatı ilə 224,11 min ton, avtomobil nəqliyyatı ilə 32,7 min ton, hava nəqliyyatı ilə 150 ton yük daşınıb, boru kəmərləri ilə nəql 2,2 milyon tona yaxın təşkil edib.
Dəniz nəqliyyatı ilə 74,63 min ton, dəmir yolu nəqliyyatı ilə 623,7 min ton, avtomobil nəqliyyatı ilə 119,43 min ton və hava nəqliyyatı ilə 1587 min ton idxal edilib.
Yanvarda Azərbaycan ərazisi ilə tranzitlə 909,65 min ton yük daşınıb.
