Azərbaycan, Bakı, 31 may /Trend, müxbirlər M.Əliyev, A.Axundov/
"Əmək pensiyaları haqqında" qanuna dəyişikliklərin edilməsi və Azərbaycanda elmi işçilərin sosial təminatının yaxşılaşdırılması üçün nəzərdə tutulan təkliflər ildə 10 milyon manat məbləğində əlavə vəsait tələb edəcək. Bu barədə çərşənbə axşamı jurnalistlərə Dövlət Sosial Müdafiə Fondunun sədri Səlim Müslümov deyib.
Çərşənbə axşamı Parlamentin Sosial siyasət komitəsində "Əmək pensiyaları haqqında" qanuna və Əmək Məcəlləsinə dəyişikliklər müzakirə edilib və baxılmaq üçün Milli Məclisə təqdim olunub. "Əmək pensiyaları haqqında" qanuna nəzərdə tutulmuş dəyişikliklərə görə, elmi-tədqiqat və təhsil müəssisələrində 25 il iş stajına malik olan şəxslərin pensiyalarının baza hissəsinə 200 manat, və elmlər doktorları və fəlsəfə elmləri doktorlarının pensiyalarının baza hissəsinə isə 120 manat əlavə ediləcək.
"Elmi-tədqiqat və təhsil müəssisələrinə işləyən hər bir şəxsin pensiya yaşına fərdi yanaşma olacaq. Bu dəyişikliklər artıq işləməyən elm nümayəndələrinə aid olacaq", - Səlimov bildirib.
Əmək Məcəlləsinə nəzərdə tutulmuş dəyişikliklərə əsasən, dövlət büdcəsindən maliyyələşən idarələrdə çalışan şəxslər üçün müəyyənləşdirilmiş yaş senzi elmi-tədqiqat müəssisələrində çalışan şəxslərə aid edilməyəcək.
