Azərbaycan, Bakı, 31 may /Trend, müxbir İ.Xəlilova/
Azərbaycan Mərkəzi Bankı (AMB) "Leverec" (aktivlərinin artımını kapital artımı ilə bağlayan alət) normativini tətbiq edib. Bu barədə çərşənbə axşamı Trend-ə AMB-nin baş direktoru Xaqani Abdullayev deyib.
2010-cu ilin sonunda 8 faiz məbləğində yeni "Leverec" normativinin tətbiqinə dair qərar qəbul edilib. Bu normativin tətbiqi ilə banklar balanslaşdırılmış kapitalın akivlərə, üstəgəl, balansdan kənar aktivlərə uyğun olmasına riayət etməli olacaqlar.
"Leverec" normativi bankların sürətli artımını məhdudlaşdıracaq.
"Bu, bankların artımının qarşısının alınması baxımından çox effektiv alətdir. O, "Leverec"i 8 faiz səviyyəsində saxlayır", - bundan əvvəl Trend-ə AMB-nin kredit təşkilatlarının fəaliyyətinə nəzarət departamentinin direktoru Rəşad Orucov deyib.
Azərbaycanın bank sektorunda analoji praktika artıq tətbiq edilib, lakin 6 faiz əmsallı bu normativin qüvvədə olması 2003-cü ildə dayandırılıb.
Bu il Mərkəzi Bank yenidən "Leverec" normativinin fəaliyyətini bərpa etmək niyyətindədir, lakin daha kəskin formada. Belə ki, onun hesablanma qaydasına balanslaşdırılmış aktivlərlə yanaşı, balansdan kənar aktivlər də daxildir, tələb isə 6 faizdən 8 faizədək artırılıb.
AMB-nin "Leverec"in tətbiqində əsas məqsədi təhlükəsiz səviyyədə kapital, likvidlik və kredit risklərinin idarə edilməsinin təminidir. Bu, banklara kapitallaşdırma üçün əlavə təkan verəcək.
2011-ci ilin birinci rübündə Azərbaycanın bank sektorunun kapitallaşdırılması 1,7 faiz, mart ərzində isə 0,7 faiz artaraq 2205,58 milyon manat təşkil edib. Dekabrın 1-nə bank sisteminin balanslaşdırılmış aktivləri 11 ay ərzində 9,5 faiz artaraq 12697,06 milyard manat olub.
AMB-nin statistik məlumatlarına görə, kapitalı 10 milyon manatı ötən bankların sayı martın yekunları üzrə 41 ədəd təşkil edərək 2010-cu ilin sonu ilə müqayisədə 1 bank azalıb, 2011-ci ilin fevralı ilə müqayisədə isə 1 bank artıb. Bu kateqoriyadan olan bankların ölkənin bütün banklarının məcmu kapitalında xüsusi çəkisi ilin əvvəlində olduğu kimi 98,9 faiz, fevralda isə 98,5 faiz təşkil edib.
Banklardan ikisində (0,9 faiz xüsusi çəki ilə) kapital 5 milyon manatla 10 milyon manat, bir bankda isə (0,2 faiz) 3,5 milyon manatla 5 milyon manat arasında formalaşıb.
2011-ci ilin birinci rübünün sonuna Azərbaycanın bank sektorunun ümumi aktivləri 12,63 milyard manat təşkil edib. Bu, 2011-ci ilin əvvəlinə olan göstəricidən 5 faiz, fevralın sonuna olan göstəricidən isə 4 faiz azdır.
Mayın 31-nə olan rəsmi məzənnə 0,7894 AZN/USD təşkil edir.
