...

Azərbaycan Prezidenti "2010-cu il dövlət büdcəsinin yerinə yetirilməsi haqqında" qanunu təsdiq edib

Biznes və iqtisadiyyat xəbərləri Materials 9 İyun 2011 12:58 (UTC +04:00)
Azərbaycan Prezidenti İlham Əliyev "2010-cu il dövlət büdcəsinin yerinə yetirilməsi haqqında" qanunu təsdiqləyib. Trend-in məlumatına görə, bu barədə cümə axşamı rəsmi mətbuatda məlumat verilib.
Azərbaycan Prezidenti "2010-cu il dövlət büdcəsinin yerinə yetirilməsi haqqında" qanunu təsdiq edib

Azərbaycan, Bakı, 9 iyun /Trend/

Azərbaycan Prezidenti İlham Əliyev "2010-cu il dövlət büdcəsinin yerinə yetirilməsi haqqında" qanunu təsdiqləyib. Trend-in məlumatına görə, bu barədə cümə axşamı rəsmi mətbuatda məlumat verilib.

2010-cu ilin yekunlarına görə, dövlət büdcəsinə faktiki daxilolmalar 11403,03 milyon manat, xərcləri 11765,9 milyon manat, kəsir 362,889 milyon manat təşkil edib.

Hesabat dövrü ərzində ƏDV-dən 2082,5 milyon manat gəlir daxil olub. Gəlir vergisi 590,2 milyon manat, mənfəət vergisi 1429,9 milyon manat, aksiz vergisi 514,9 milyon manat, əmlak vergisi 101,8 milyon manat, yeraltı sərvətlər vergisi 130,07 milyon manat, sadələşdirilmiş vergi 65,5 milyon manat, torpaq vergisi 35,3 milyon manat təşkil edib. Dövlət Neft Fondundan daxilolmalar 5 915 milyon manat təşkil edib.

Əhalinin sosial müdafiəsi və təminatına dövlət büdcəsindən 1123 milyon manat xərclənib. Təhsilə 1180,79 milyon manat, səhiyyəyə 429,16 milyon manat, prokurorluq, təhlükəsizlik, hüquq-mühafizə orqanlarının saxlanılmasına 668,5 milyon manat xərclənib. Qoyulan kapitalın ümumi həcminin 199,9 milyon manatı kommunal xərclərə, 372,1 milyon manatı kənd, meşə təsərrüfatı və balıqçılığa, 55,1 milyon manat isə nəqliyyat və rabitəyə yönəldilib.

2010-cu ilin dövlət büdcəsinin yerinə yetirilməsi nəticəsində ilin sonunda vahid xəzinə hesabında yaranan qalıq 2011-ci ilin büdcə kəsirinin maliyyələşdirilməsinə və dövlət borclarına qulluq ürə xidmətlərin ödənişi səbəbindən yaranan xərclərə yönəldiləəck.

Xəbər lenti

Xəbər lenti