...

Azərbaycanda fərdi yaşayış evlərinin tikintisi üçün icazə tələb olunmayacaq

Biznes və iqtisadiyyat xəbərləri Materials 23 İyul 2011 15:24 (UTC +04:00)

Trend-i buradan izləyin


Azərbaycan, Bakı, 23 iyul /Trend, müxbir A.Axundov /
Azərbaycanda Tikinti və Şəhərsalma Məcəlləsi hazırlanarkən tikintisi üçün xüsusi icazənin alınması vacib olan obyektlər müəyyən ediləcək. Dövlət Əmlak Məsələləri Komitəsinin nəşr etdirdiyi "Daşınmaz Əmlak" jurnalına Milli məclisin "İnzibati və hərbi qanunvericilik" şöbəsinin müdir müavini Səyyad Kərimov bildirib.
"İlk növbədə, bu obyektlər birinci və ikinci məsuliyyət dərəcəli obyektlərdir. Məsələn, yüksək yaşayış binaları. Fərdi yaşayış evlərinin tikintisi üçün icazə tələb olunmayacaq. Əgər indiyədək fərdi evlərin tikintisi üçün icra hakimiyyətindən icazə tələb olunurdusa, indi, yeni məcəllədə bu icazə məlumat icraatı ilə əvəz olunub", - Kərimov bildirib.

Lakin onun sözlərinə göğrə, bu, yalnız mərtəbələrinin sayı üçdən və hündürlüyü 12 metrdən çox olmayan binalara aiddir.
"Məsələn, hündürlüyü 12 metrədək olan ev tikmək istəyən vətəndaş onun layihəsini hazırlayır və həmin layihəni ərziə ilə birlikdə tikintiyə icazə verən quruma göndərir. Yəni şəxs tikintiyə icazə verən qurumu məlumatlandırır ki, bu layihəyə uyğun ev tikirəm. Həmin orqan layihəyə baxır və onun şəhərsalma planına uyğun gəlib-gəlmədiyini yoxlayır. Əgər layihə ilə bağlı hansısa irad varsa, o, tikintisinin sahibinə 30 gün ərzində təqdim olunmalıdır", - Kərimov deyib və əlavə edib ki, layihəyə irad tikintiyə qadağa demək deyil.
"Bu iradlar hansısa konkter normalara əsaslanmalıdır. Bu iradlar əsasında göstəriş tərtib olunur, şəxs bu göstərişi yeriknə yetirdikdən sonra işə başlayır. Əgər 30 gün ərzində irad olmadıqda vətəndaş tikintiyə başlaya bilər", - Kərimov bildirib.

Xəbər lenti

Xəbər lenti