Azərbaycan, Bakı, 2 avqust /Trend, müxbir İ.Xəlilova/
İyunda Bakıda bir sot torpağın orta qiyməti 0,2 faiz azalaraq 14035 dollardan 14006 dollara çatıb. Bu barədə "Əmlak Bazarı İştirakçıları" İctimai Birliyinin bazarda apardığı monitorinqin yekunları üzrə deyiblər.
Torpaq bazarında qiymətlər indeksi ay ərzində 236,9 bənddən 236,2 bəndədək enib.
Bakının torpaq bazarında qiymətlərin azalmasının əsas səbəbi tələbin kəskin azalmasıdır.
İyunda Bakının heç bir rayonunda qiymət artımı müşahidə edilməyib. Qismən azalma Xəzər və Sabunçu rayonlarında - müvafiq olaraq 0,1 faiz və 0,2 faiz müşahidə edilib. Torpaq bazarında daha fəal Binəqədi və Xətai rayonları olub. Ən passivi isə Nəsimi rayonu olub.
İyunda ən bahalı torpaq sahəsi Bakının Nəsimi rayonunda ("Avropa" hoteli yaxınlığında) bir sot üçün 210 min dollara, ən ucuzu isə Abşeron rayonunda (Pirəküşkül qəsəbəsində) bir sot üçün 340 dollara təklif olunub.
İyunda Bakının torpaq bazarı üçün 772,6 hektar torpaq təklif edilib. Bunun 77,8 faizini boş sahələr təşkil edib, qalanı isə qeyri-yaşayış və köhnə ərazilərin payına düşür.
Bazarda torpağın ekspozisiya müddəti əvvəlki aya nisbətdə 0,8 faiz artıb. Ay ərzində bağlanan sözdələmələrin sayında azalam ümşahidə olunub və bu seqment üzrə fəallıq mənfi tərəfə dəyişib.
Təşkilat tərəfindən aparılan araşdırmalr göstərib ki, paytaxın mərkəzində torpaq sahələrinin ciddi məhdudluğuna baxmayaraq, birinci və ikinci zonada tələb və təklifin struktur dəyişikliyi ilə yanaşı, qiymətlər də azalıb.
Təşkilatın ekspertlərinin fikrincə, qiymətlərin real şəkildən yuxarı saxlanılması torpağın gəlirinə və bu seqmentdə likvidlik səviyyəsinin azalmasına ciddi təsir göstərir.
"Bu mülkiyyət növünə maraq hələ də aşağı olaraq qalmaqdadır, çünki torpaq sahələri ipoteka prosesində girov kimi qəbul edilə bilməz. Bununla belə, son aylar torpaq bazarında baş verən proseslər bazarın bu seqmentində əməliyyatlar üzrə riskləri azaltmağa imkan verib", - təşkilatın ekspertləri ehsab edirlər.
