Azərbaycan, Bakı, 27 dekabr /Trend /
Bakı Banklararası Valyuta Birjasının hər il ənənəvi olaraq keçirdiyi banklararası futzal turniri başa çatıb. Trend-in məlumatına görə, bu barədə Kapital Bank-ın çərşənbə axşamı yaydığı məlumatda deyilir.
"Bu ilin noyabrından start götürmüş turnirdə ölkənin 7 aparıcı bankının komandaları mübarizə aparıb. Dekabrın 25-də ABU ARENA-da keçirilən final oyununda Kapital Bank və Unibank komandaları qarşılaşıb. Yarış gərgin mübarizə şəraitində keçib və Kapital Bankın oyunçuları 5:4 hesabı ilə qalib gəlib", - məlumatda deyilir.