Azərbaycan, Bakı, 18 yanvar /Trend, müxbir E.İsmayılov/
2011-ci il ərzində Azərbaycana avtomobil nəqliyyatı ilə 203,5 milyon ton yük və 1,5 milyard sərnişin gətirilib. Bu da 2010-cu ilin göstəricisindən müvafiq olaraq, 3,6 faiz və 7,5 faiz çoxdur. Trend-in məlumatına görə, bu barədə çərşənbə günü Azərbaycan Dövlət Statistika Komitəsinin yaydığı məlumatda deyilir.
Məlumata görə, 2011-ci ildə ölkədə avtomobillərin sayı 59,8 min artaraq 1 milyon 42,3 min ədədə çatıb. Hazırda 100 ailəyə 42 avtomobil düşür.
Ötən il ərzində ölkənin sənaye müəssisələri tərəfindən 593 ədəd "Belarus" traktoru, 556 ədəd "Lifan" minik avtomobili, 727 ədəd MAZ yük avtomobili istehsal edilib.