Azərbaycan, Bakı, 17 fevral /Trend, müxbir N.İsmayılova/
2011-ci ildə Azərbaycanda bank sisteminin təmərküzləşməsinin azalması müşahidə edilib. Trend-in məlumatına görə, bu barədə cümə günü Azərbaycan Mərkəzi Bankının (AMB) hesabatında deyilir.
"Aktivlərin həcminə görə 5 iri bankın sistemdə aktivlərin ümumi həcmindəki payı 60,7 faizdən 57 faizə qədər, kredit qoyuluşları həcmində isə 60,9 faizdən 56,5 faizə qədər azalıb", - hesabatda qeyd edilir.
2011-ci ildə ölkənin bank sektorunun aktivləri 7,3 faiz artaraq 14,26 milyard manat təşkil edib, kreditlər isə 8,1 faiz artaraq 9,7 milyard manata çatıb. Bank sisteminin aktivlərində kreditlərin xüsusi çəkisi 68 faiz təşkil edib.
AMB, həmçinin Herfindal-Hirşman indeksinin dinamikasının azalmasını vurğulayır. Bu indeks sahənin inhisarlaşdırma dərəcəsinin qiymətləndirilməsi üçün istifadə edilir.
İndeks ölkənin bank sistemininin təmərküzləşməsinin orta səviyyəsini göstərir.
AMB-nin məlumatına görə, əgər 2009-cu ildə Herfindal-Hirşman indeksi ölkədə 2033 təşkil edirdisə, 2010-cu ilin sonuna indeks 1892-yə qədər, 2011-ci ilin sonuna isə 1442-yə qədər azalıb.
Fevralın 17-nə olan rəsmi məzənnə 0,7863 AZN/USD təşkil edir.
