Azərbaycan, Bakı, 19 mart /Trend, müxbir A.Axundov/
Koreya Respublikası hökuməti Azərbaycanla əməkdaşlığa başladığı dövrdən 2012-ci il yanvarın 1-dək yolların tikintisi sahəsindəki layihə üzrə 180 milyon dollar dəyərində bir kredit sazişi imzalayıb. Layihənin həyata keçirilməsi hazırda davam etdirilir.
Trend-in məlumatına görə, bu barədə Nazirlər Kabinetinin 2011-ci ildə fəaliyyəti haqqında hesabatda deyilir.
2012-ci il yanvarın 1-dək ayrılan kreditin ümumi həcmindən 147,9 milyon dollar və ya 83,2 faizi xərclənib.
Bu il yanvarın 1-nə olan məlumata görə, Koreyaya kredit üzrə əsas borcdan 12 milyon dollar qaytarılıb.
Ümumilikdə, əməkdaşlığa başlanandan etibarən Koreya Azərbaycana 40,88 milyon dollar dəyərində 8 qrant ayırıb.
