Azərbaycan, Bakı, 31 may / Trend, müxbir A.Axundov /
Cümə axşamı, mayın 31-də gün ərzində paytaxtın Nəsimi və Nərimanov rayonlarının bir hissəsinə içməli suyun verilməsində məhdudiyyətlər olacaq. Trend-in məlumatına görə, bu barədə "Azərsu" ASC-nin cümə axşamı yaydığı məlumatda deyilir.
Suyun verilməsində fasilələr Vaqif prospekti, S.Vurğun, Xan Şuşinski, M.Qaşqay, C.Hacıbəyli, F.X.Xoyski küçələrində müşahidə olunacaq.
"Suyun verilməsində fasilələr Nərimanov rayonu ərazisində yeni çəkilmiş 500 mm diametrli magistral xəttinin şəbəkəyə birləşdirilməsi ilə əlaqədardır", - məlumatda deyilir.
Yaranmış narahatlıqla əlaqədar "Azərsu" ASC abonentlərdən üzr istəyir.