Azərbaycan, Bakı, 31 may /Trend, müxbir Ə.Həsənov/
Abşeron rayonunda bərk məişət tullantılarının idarə edilməsi üzrə strategiya layihəsi 2013-cü ilin əvvəlində tam hazır olacaq və baxılması üçün Azərbaycan hökumətinə təqdim ediləcək. Bu barədə cümə axşamı Trend-ə "Təmiz Şəhər" ASC-nin layihələrin idarə edilməsi və ictimaiyyətlə əlaqələr şöbəsinin müdiri Oqtay Məmmədov bildirib.
Strategiya 20 il müddətinə hesablanıb.
"Cari ilin sonuna Azərbaycan İqtisadi İnkişaf Nazirliyinin Dünya Bankı ilə birgə reallaşdırdığı bərk məişət tullantılarının vahid idarə edilməsi layihəsi çərçivəsində aralıq hesabat təqdim ediləcək, onun öyrənilməsindən və müzakirəsindən sonra yekun qərar qəbul ediləcək", - Məmmədov deyib.