Azərbaycan, Bakı, 2 iyun /Trend, müxbir E.İsmayılov/
Şənbə günü yerli vaxtla saat 15:10-da paytaxta enməli olan Dubay-Bakı aviareysi ləğv edilib. Bunu Trend-ə şənbə günü Heydər Əliyev Beynəlxalq Hava Limanından bildiriblər.
Aviareysi "Flydubai" aviaşirkəti reallaşdırır.
Məlumata əsasən, bununla əlaqədar olaraq, həmçinin paytaxtdan saat 16:10-da yola düşməli olan Bakı-Dubay reysi ləğv edilib.
Aeroportdan reysin ləğv edilməsinin səbəbini açıqlamayıblar.