...

Mərakeş Azərbaycan investisiyalarına maraq göstərir

Biznes və iqtisadiyyat xəbərləri Materials 13 Oktyabr 2012 17:26 (UTC +04:00)

Türkiyə, İstanbul, 13 oktyabr /Trend, xüsusi müxbir İ.Xəlilova/

Azərbaycan və Mərakeş arasında investisiya sahəsində əməkdaşlığın inkişaf perspektivləri mövcuddur. Bu barədə şənbə günü Trend-ə Mərakeşin sənaye, ticarət və yeni texnologiyalar naziri Əbdülqədir Amar deyib.

Onun sözlərinə görə, Mərakeşdə strateji mövqe işlənib hazırlana bilər, bu çərçivədə Avropa, Afrika, ərəb ölkələri və ABŞ ilə inkişaf edən əməkdaşlıq nəzərə alınmaqla investisiyaların cəlb edilməsi üçün platforma yaradılacaq.

"Azərbaycanda özəl sektorun inkişaf tempini nəzərə alsaq, Mərakeşdə ayrı-ayrı sahələrə investisiya qoyulması mümkün və perspektivli görünür", - nazir vurğulayıb.

Amarın sözlərinə görə, ölkələr arasında neft-qaz sahəsində əməkdaşlığın inkişafı daha perspektivlidir.

"Yaxın aylarda Azərbaycana səfər etməyi planlaşdırıram" , - o deyib.

Məqalədə:
Xəbər lenti

Xəbər lenti