Azərbaycan, Bakı, 1 noyabr/Trend, müxbir A. Axundov/
Azərbaycan damazlıq mal-qaranın idxalını artıracaq. Trend-in məlumatına görə, bu barədə cümə axşamı jurnalistlərə kənd təsərrüfatı naziri İsmət Abasov deyib.
"Hazırda Azərbaycana təqribən beş min baş damazlıq mal-qara gətirilib, indi ölkədə damazlıq mal-qaranın sayı 7,3 mini ötür. Daha 1,2 min baş heyvanın gətirilməsi planlaşdırılır", - Abasov qeyd edib.
Onun sözlərinə görə, bu heyvanlar xüsusi qulluq tələb edir.
"Damazlıq mal-qaranın idxalına dair proqramın həyata keçirilməsinin ilk illərində yanlış qulluq və zəruri şəraitin olmamasına görə bir neçə baş heyvan öldü. Lakin hazırda belə heyvanlar yalnız onların saxlanılması üçün bütün zəruri şəraiti olan təsərrüfatlara verilir", - Abasov qeyd edib.
Nazirin sözlərinə görə, hazırda ölkədə damazlıq mal-qaraya böyük tələbat var.
"Biz mal-qaranı İqtisadi İnkişaf Nazirliyi ilə birgə həyata keçirilən layihələr çərçivəsidə yaradılan heyvandarlıq komplekslərinin sifarişi əsasında gətiririk", - o vurğulayıb.