Azərbaycan, Bakı, 28 may /Trend, müxbir E.Əliyev/
Cari ilin aprel ayında Bakının ilkin mənzil bazarında qiymətlər əvvəlki ayla müqayisədə 0,8 faiz bahalaşaraq bir kvadratmetri 864,3 manat təşkil edib. Trend-in məlumatına görə, bu barədə çərşənbə axşamı "Əmlak Bazarı İştirakçıları" İctimai Birliyinin yaydığı məlumatda deyilir.
"Qiymətlər ötən rübə nisbətən 2,9 faiz, ötən ilin analoji dövrü ilə müqayisədə isə 5,4 faiz ucuzlaşıb", - məlumatda qeyd edilir.
Böhran dövrü (2008-ci ilin sentyabr ayı) ilə müqayisədə ilkin mənzil 27,6 faiz ucuzlaşıb (həmin dövrdə bir kvadratmetrin dəyəri 1194 manat olub).
Aprel ayında satışa çıxarılan yeni tikililərin sayı 1 ədəd artaraq 401 ədəd təşkil edib. Tikinti şirkətlərinin sayı isə bir ədəd azalaraq 134 olub.
