Azərbaycan, Bakı, 28 iyun /Trend, müxbir E.Əliyev/
Dünya Bankının (DB) İcraçı Direktorlar Şurası cümə axşamı Vaşinqtonda keçirilən iclasında Bakıda məişət tullantıların idarə olunması üzrə layihəyə (Integrated Solid Waste Management Project) 47,1 milyon dollar həcmində əlavə vəsaitin ayrılması haqqında qərarı təsdiqləyib. Trend-in məlumatına görə, bu barədə DB-nin saytında yerləşdirilən məlumatına bildirilir.
DB-nin Cənubi Qafqaz üzrə regional direktoru Henri Keralinin sözlərinə görə, layihə heyranedici nəticələrə səbəb olub: "Bakıda təxminən 80 faizə yaxın qeyri-rəsmi zibillik ləğv olunub, tullantıların idarə olunması üzrə rəsmi sistem tərəfindən xidmət göstərilən əhalinin sayı isə 15 faiz artıb".
DB-nin hesablamalarına görə, Böyük Bakıda il ərzində məişət tullantılarının həcmi 1,8 milyon ton təşkil edib.