Azərbaycan, Bakı, 28 oktyabr /Trend, müxbir E.Əliyev/
Azərbaycan Beynəlxalq Bankı (ABB) Kayman adalarının Fond Birjasında 151 milyon dollar həcmində olan avroistiqrazların yerləşdirilməsini başa çatdırıb. Bu barədə Trend "Cbonds" şirkətinin yaydığı xəbərə istinadən məlumat verir.
Məlumata görə, ödəniş müddəti 2016-cı ildə olmaqla istiqrazların gəlirliliyi illik 7,2 faiz təşkil edəcək. Emissiya çərçivəsində hər birinin nominal dəyəri 500 min dollar olan 302 istiqraz buraxılıb.
Məlumatda deyilir ki, qiymətli kağızlar 100 faiz qiyməti üzrə satılıb: "Yerləşdirmənin təşkilatçıları qismində "JP Morgan", "Bank of America Merrill Lynch" çıxış ediblər".
Qeyd edək ki, daha əvvəl ABB ümumilikdə 499 milyon dollar həcmində daha üç emissiya həyata keçirib.
