Azərbaycan, Bakı, 29 dekabr /Trend/
"Ailə TV" kabel televiziyası operatorundan abunəçilərinə Yeni il öncəsi xoş xəbər. Bayram günləri rəqəmsal yayımı izləyən bütün abunəçilər "Ailə TV" paketlərini pulsuz izləyəcəklər.
Dekabrın 31-dən yanvarın 2-dək davam edəcək aksiyadan "Ailə TV"-nin rəqəmsal yayımına qoşulmuş bütün abunəçilər yararlana biləcəklər və beləliklə bayram günləri öz ailələri ilə birlikdə 165-dən çox telekanal izləmək imkanı əldə edəcəklər.
"Ailə TV" kabel televiziyası operatoru xalqımızı qarşıdan gələn Yeni 2014-cü il və Dünya Azərbaycanlılarının Həmrəylik Günü münasibəti ilə ürəkdən təbrik edir, xalqımıza ruzi-bərəkət, firavanlıq və əmin-amanlıq arzulayır.
