Azərbaycan, Bakı, 1 mart /Trend, müxbir E. Əliyev/
Azərbaycan struktur islahatlarının keçirilməsində müəyyən tərəqqiyə nail olub. Trend-in məlumatına görə, bu barədə Avropa Yenidənqurma və İnkişaf Bankının (AYİB) ölkədə fəaliyyəti üzrə strategiya layihəsində deyilir.
Strategiya 3 il müddətinə hesablanıb və 2014-17-ci illəri əhatə edir.
Sənəddə deyilir ki, ölkə hökuməti vergi qanunvericiliyinə riayət etmək üçün biznesin xərclərinin azaldılması və vergi yığımlarının artırılması məqsədilə vergi inzibatçılığı sahəsində müəyyən yaxşılaşmaya nail olub: "2012-ci ilin yanvarında qüvvəyə minən yeni Gömrük Məcəlləsi müxtəlif sahələrdə vəziyyətin təkmilləşdirilmiş müddəaları əhatə edir. Həmin müddəaların normaları beynəlxalq standartlara (o cümlədən mənşənin-ölkənin yoxlanılması, malların qiymətləndirilməsi metodları, gömrük inzibatçılığında bir pəncərə, gömrük yoxlamaları və elektron deklarasiya sahələrində normativlər) uyğunlaşdıracağı gözlənilir
AYİB analitiklərinin fikrincə, buna baxmayaraq, islahatlar prosesi korrupsiya ilə mübarizəni uğurla dəstəkləmək üçün davam etidirilməlidir.
Strategiya layihəsində deyilir: "Hökumət, həmçinin infrastrukturu yaxşılaşdırmağa və karbohidrogenlərin ixrac marşrutlarının şaxələndirilməsini davam etdirir. Bundan başqa, Azərbaycan Mərkəzi Bankı maliyyə sisteminin möhkəmləndirilməsi üzrə tədbirlər görüb. Digər tərəfdən, Dünya Bankı və başqa beynəlxalq maliyyə institutlarının dəstəyi ilə Azərbaycanı Rusiya və İranla birləşdirən Şimal-Cənub dəmiryol dəhlizi, habelə Şərq-Qərb əsas dəmiryol nəqliyyat dəhlizi modernləşdirilir".
Bank bu yaxınlarda Xəzər regionunda ən iri olan yeni beynəlxalq dəniz limanının tikintisinin başlamasını qeyd edir: "Liman Avropa və Asiya arasında birləşdirici ticarət zənciri kimi ölkənin rolunun möhkəmləndirilməsinə xidmət edir".
Strategiya layihəsində ölkənin enerji daşıyıcı marşrutlarının şaxələndirilməsi sahəsində nailiyyətlərini də vurğulayır.
Sənəddə deyilir: "2013-cü ilin iyununda "Şahdəniz" konsorsiumu Trans-Adriatik boru kəmərini (TAP) karbohidrogenlərin Avropaya ixrax marşrutu qismində seçib. Bundan başqa, Trans-Anadolu boru kəmərinin (TANAP) tikintisi üzrə Türkiyə ilə hökumətlərarası saziş imzalanıb. 2013-cü ilin dekabrında Azərbaycanda qazın gələcəkdə Albaniya, Xorvatiya və Monteneqroya tədarükləri üzrə anlaşma memorandumu imzalanıb. Avropanı enerji daşıyıclarının idxalına çıxışını təmin edən yeni marşrutun məqsədi Azərbaycanın beynəlxalq bazarlara ixrac marşrutlarını şaxələndirməkdir".
