Azərbaycan, Bakı, 19 mart /Trend, müxbir E.Əliyev/
Qiymətli Kağızlar üzrə Dövlət Komitəsi (QKDK) "Mega Sığorta" ASC-nin 1,5 milyon manat həcmində adi, adlı, sənədsiz səhmlərinin emissiya prospektini qeydiyyata alıb.
Trend-in məlumatına görə, bu barədə çərşənbə günü Bakı Fond Birjasının yaydığı xəbərdə deyilir.
Emissiya çərçivəsində hər birinin nominal dəyəri 5 min manat olan 300 səhm buraxılıb. Sövdələşmənin anderrayteri qismində "Çelsi Kapital" MMC çıxış edir.
Emissiyanın yerləşdirilməsi çərçivəsində şirkətin nizamnamə kapitalı 10,5 milyon manatdan 12 milyon manatadək artırılacaq.