Azərbaycan, Bakı, 8 aprel /Trend/
Avropanın aparıcı informasiya və analitik nəşri olan "EMEAfinance" jurnalı Azərbaycan Beynəlxalq Bankını (ABB) "Best Local Bank" mükafatına layiq görüb. Trend-in məlumatına görə, bu barədə bankın çərşənbə axşamı yaydığı məlumatda deyilir.
Qeyd edək ki, ABB artıq 6-cı ildir ki, bu mükafata layiq görülür.
Londonda dərc edilən "EMEAfinance" jurnalı Avropa, Yaxın Şərq və Afrika regionları üzrə maliyyə sektorlarının fəaliyyətini işıqlandırır. Jurnalın baş ofisi Londonda yerləşir və onun 25 mindən artıq oxucusu var.