Azərbaycan, Bakı, 28 may /Trend, müxbir E. Əliyev/
İqtisadiyat və Sənaye Nazirliyi yanında Sahibkarlığa Kömək Milli Fondu (SKMF) Bakının Binəqədi rayonunun inkişafının prioritet sahələri üzrə sahibkarlardan investisiya layihələrinin qəbuluna başlayıb. Trend-in məlumatına görə, bu barədə çərşənbə günü nazirliyin rəsmi mətbuatda dərc edilən xəbərində deyilir.
Mayın 23-də Binəqədi rayonunun Rəsulzadə qəsəbəsində "Sahibkarlığın inkişafına dövlət dəstəyi" mövzusunda tədbir keçirilib.
Tədbir çərçivəsində mövcud iqtidadi potensialın səmərəli istifadəsi məqsədilə sahibkarlarla müzakirə aparılıb və ixtrisaslaşdırılmış "yaşıl market"in, ət kəsimi və digər müasir müəssisələrin yaradılması üzrə investisiya layihələrinin maliyyələşdirilməsi üçün sahibkarlıq subyektlərindən təkliflərin qəbulu məqsədəuyğun hesab edilib.
SKMF-nin vəsaitlərindən istifadə qaydalarına uyğu olaraq, bu gündən etibarən sahibkarlıq subyektləri müvəkkil kredit təşkilatları vasitəsilə Fonda müraciət edə bilərlər. Sahibkarların istəyinə uyğun olaraq, kiçik layihələr güzəştli kreditlər hesabına tam maliyyələşdirilə bilər.