Azərbaycan, Bakı, 5 avqust /Trend/
2014-cü il iyulun 1-nə olan vəziyyətə görə, Azərbaycanda genişləndirilmiş pul bazası 11 580,6 milyon manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
İllik hesablamalarda ölkədə pul bazası 12,1 faiz artıb. Müqayisə üçün, 2013-cü ilin iyun ayının nəticələri üzrə bu göstərici 10 329,9 milyon manat olub.
Hesabatda qeyd edilir ki, 2014-cü il iyulun 1-nə pul bazası manatda 11 485,2 milyon manat olub. Bu rəqəm ötən ilin iyunun 1-nə 10 265,2 milyon manat təşkil edib.
Hesabat dövründə tədavüldəki pul həcmi 10 905,9 milyon manat təşkil edib, halbuki bu göstərici 2013-cü il iyulun 1-nə 9 765,2 milyon manat olub.
Dövriyyədəki nağd pul kütləsinin pul bazasına nisbəti 2014-cü il iyulun 1-nə 94,2 faiz olub. Bu göstərici 2013-cü il iyulun 1-nə 94,5 faiz təşkil edib.
Bank ehtiyatları 663,3 milyon manat təşkil edib ki, bu da 2013-cü ilin iyun ayının nəticələri üzrə analoji göstəricidən (539,3 milyon manat) 23 faiz çox olub.