...

Azərbaycanda ipoteka kreditləşməsinin həcmi il ərzində 9 faiz azalıb

Biznes və iqtisadiyyat xəbərləri Materials 5 Sentyabr 2014 19:16 (UTC +04:00)

Azərbaycan, Bakı, 5 sentyabr /Trend, müxbir Zülfiyyə Qurbanova/

Azərbaycan Mərkəzi Bankı yanında fəaliyyət göstərən Azərbaycan İpoteka Fondunun (AİF) xətti ilə 2014-cü ilin yanvar-iyul aylarında 66,7 milyon manat məbləğində kredit verilib ki, bu da ötən ilin analoji dövründəki maliyyələşdirmənin həcmindən 9 faiz azdır. Trend-in məlumatına görə, bu barədə AMB-nin saytında dərc edilən statistik hesabatda deyilir.

AİF-in xətti ilə maliyyələşdirməyə başlanandan 599,79 milyon manat dəyərində ipoteka krediti ayrılıb: o cümlədən 2013-cü ildə 112,9 milyon manat, 2012-ci ildə 74,77 milyon manat, 2011-ci ildə 95,64 milyon manat, 2010-cu ildə 97,08 milyon manat, 2009-cu ildə 76,9 milyon manat, 2007-ci ildə 70,2 milyon manat, 2006-cı ildə isə 5,6 milyon manat.

2014-cü ilin yanvar-iyul ayları ərzində bankların əvvəllər ayırdığı ipoteka kreditlərinin yenidən maliyyələşməsinin ümumi həcmi 68,6 milyon manat təşkil edib.

Hesabat dövründə sosial ipotekanın maliyyələşdirilməsinə 22 milyon manat ayrılıb. Ümumilikdə cari il bu məqsədlərə 40 milyon manat ayrılıb.

AİF-in səlahiyyətli bankları tərəfindən verilən vəsaitin orta məbləği 39 944 manat, kreditin orta aylıq həcmi 278 manat, orta faiz dərəcəsi 6,82 faiz, orta aylıq ödəniş isə 318,7 manat təşkil edir.

Məqalədə:
Xəbər lenti

Xəbər lenti